1. 冬天會有皮膚癢，內乾外油，但皮膚又呈現粗糙及暗啞?
2. 挨夜後肌膚有泛紅發癢?
3. 壓力太大會有敏感症狀，甚至有濕疹症狀出現?
4. 當換季，即有忽冷忽熱濕度時高時低時，會有脫皮及痕癢?
5. 使用果酸類產品或療程會馬上或容易產生灼熱刺痛感?
6. 皮膚角質偏薄，屏障受損，皮膚較易乾燥?

如果你皮膚係屬於敏感肌，仲有得補救嗎? 當然有，只要停止襲擊皮膚就可以，有以下日常護理建議:

 
DON’T & DO :

1. 皮膚處於弱酸情況下，皮脂膜(屏障功能) 才可以健康完整來保護皮膚。若每日使用起泡慕絲、潔面泡、或啫喱來潔面，皮膚長期處於鹼性狀態，皮脂膜變得脆弱，易受破壞，皮膚隨後更易變乾，亦會易出油。有客人試過日間返工期間皮膚乾到出一粒粒好似水珠狀嘅油珠，影響日常社交，常感到尷介非常，每日都要用控油紙吸走油珠，超煩。請後來建議佢選用水溶性及性質較溫和嘅洗面奶，因為洗面奶可借助界面活劑對汚垢嘅親和力令污垢同皮膚之間嘅黏附力減低，污垢就可以輕易除去。用後皮膚質地會較柔軟，PH值可以好快回復到正常健康值，預備吸收護膚品，一星期後已有好明顯改善。

2. 每日洗面次數唔好多過2次﹑戒走洗面用熱水或沖涼洗頭洗面一次過做晒嘅壞習慣 (貪方便) : 過度洗面及用過熱嘅水都會讓皮脂膜受到破壞；

3. 選用不含酒精成份爽膚水: 部份品牌爽膚水加入酒精成份，主要係想加強殺菌及除去面部油脂作用，但酒精對敏感皮膚容易做成刺激﹑乾燥﹑泛紅等；

4. 要有搽面霜習慣: 有人以為天氣潮濕就只需搽保濕精華，因怕笠唔搽面霜，結果面部泛油更嚴重。空氣濕度高其實並唔等於皮膚保濕度而決定減去搽面霜步驟，反而要選擇有助建立屏障功能成份面霜每日使用，令皮膚保持保持健康及鎖水。

5. 保持每日有搽防曬乳習慣: 紫外線UVB可令皮膚變黑及產生熱力來源，使皮膚易紅及缺水，皮膚會變得泛紅及乾燥；

6. 停止不斷轉換及試用新奇產品壞習慣: 皮膚隔周或經常要去接觸來自不同國家不同成份產品，肌膚因要經常去適應唔同化學物，有增加敏感機會率及風險。如果你用開某品牌護膚品感覺良好的話，就乖乖就範，繼續好好地用。但如果你用開嘅護膚品好似麻麻地適合自己皮膚的話，就去取專業人仕意見。個人認為歷史較悠久嘅歐洲品牌會較為穩陣，因為歐盟定立品質標準嚴謹，成份較為有保証(純屬個人意見)。

7. 日日敷 mask 唔應該係每日護膚程序: 有客人以前會日日敷水份mask，原因係因為塊面好乾，但晚晚敷都仲係咁乾，就更加唔可以唔敷。如果塊面經常乾到非要每日敷水份mask不可，皮脂膜可能唔太完整，令皮膚儲起嘅水份每秒鐘都流失緊，所以皮膚就keep住乾，所以應選擇有鞏固屏障功能成份產品。

當皮膚變得健康，屏障功能又鞏固，就算外在環境有任何轉變，對皮膚影響都會不大。若你立定決心開始著手實行以上日常護理的話，可建議做以下療程定期作加強皮膚護理:

1. 「神經傳導療程」 – 增厚薄弱皮膚組織﹑消除敏感炎症徵狀

2.  「注氧保濕療程」 – 保濕 : 保濕精華導入可有助減少異常油脂分泌過多；注氧 : 消炎﹑舒綬敏感產生嘅泛紅

人人皮膚情況不同，如有任何問題，可隨時 inbox 或 whatsapp 63973581查詢。

所謂敏感性肌膚(Hypersensitive skin) 是指肌膚耐受性較低。 最主要原因係皮膚屏障功能好薄弱，水份較易流失、亦好容易因外界季節環境而有變化讓刺激因子滲透，導致皮膚產生過度反應，造成血管擴張和發炎的現象，即變得紅，痕癢、有灼熱感、繃緊(好乾)及“針吉”刺痛感覺等。無論任何膚質都有機會形成敏感肌，形成敏感肌成因有好多，如空氣嚴重污染、溫差、潮濕天氣、或接觸到致敏原，如 花粉、蝨子、灰塵、塵；或接觸到易某某護膚品裡化學成份、壓力等等，甚至外用藥物﹑日常用品，如耳環﹑頸鏈﹑染髮劑﹑噴髮膠﹑指甲油﹑花草植物或紡織品等，都容易令皮膚產生過敏症狀。

你皮膚敏感嗎? 試試看: